uturn未忘賭性: 怡情

顯示包含「怡情」標籤的文章。顯示所有文章

2019年6月16日星期日

**網上偽傳說**

旺角此齋舖，是由費老先生所辦。
費家公子學業有成，心明正義。
由反殖民地，至保衛釣魚島。
繼而爭取社會公義，窮人福利。
1997年費老先生過世，留下齋舖給公子。
公子接手兩年，看盡人間世情。
交下繁俗紅塵事，叮囑夥記每日派出齋菜，飯餸給有需要的人。
一走了之，做了隱士🙏🙏🙏

https://youtu.be/v8L9xr30iAg

2017年8月22日星期二

從家鄉帶來了五十八年之物.

爸爸在香港工作,
我和媽媽,哥哥留在家鄉.
媽媽,哥哥和我曾申請了幾次去香港跟爸爸生活.
但都不批准.
約1957-58年,我生了頭瘡屢醫無效.
媽媽再帶我申請來港醫治.
但負責的人對媽媽說 : 配額問題,去香港應該冇機會.去澳門可以立即批出.
媽媽就將哥哥托養給同村叔婆.
叔婆沒有親人,將哥哥當作兒子.住在我家.
這個批出的通行證是雙程證.
(批出的幹部可能覺得,你兒子在這裡,你將來必然回來)
來了澳門,將來是要回鄉的.
我和媽媽到了澳門,煲了幾次大生地水蟹就好了.
在澳門居住了六個月,再申請來港.
那時有很多人偷渡[屈蛇],俾蛇頭$80-$100.便可.
我是BB,爸爸當然不會冒險了.
來了香港,媽媽就想回鄉,因大兒子在家鄉.
寫信問叔婆孩子乖不乖.
叔婆說: 他冇掛住你們.
在香港的親友亦勸告媽媽,這麼困難才到香港,返去咁蠢?
香港就這樣住了幾拾年.

**圖中是媽媽在家鄉拜神裝香的香腳.不知是在祖先位還是土地公公位拿來.相傳帶在身邊便沿途得神庇佑.個袋是後來媽媽用布車成.媽媽不會將些吉祥物掉去.不知那一年,媽媽就將此物交給我.

2017年7月17日星期一

看不到為何你配有民主!

早兩日已傳出肥佬黎賣一仔.
今天終於得到落實.
89後,肥佬黎賣去老本行.
投身出版,意圖推動中國民主,香港民主在當時他并不着意.
他跟大部份人一樣,認為中國有民主,香港自然會有.
當時我跟大部份港人一樣.支持一切的民主運動.
所以第一時間成為 #壹周刊的訂戶.
廿多年來當作對一份刊物支持,所謂無忘初心.
去年我決定不訂了,不是政治決定.
是覺得他不會支持多一年.
到限期結束前一,兩天.
兒子說:我俾錢繼續訂.
年青人就是有一份執着,其實又冇乜所謂.
只要不傷害別人,政見天南地北也可.

前一兩個月,肥佬黎財政負擔不來了.
決定將某些工種外判.
一些外表跟肥佬黎理念員工.
不單祗不跟肥佬共渡難關.再創另一頁民主高峰.
反而咬肥佬一口.
以前看到網上說愛國報的記者,員工是狗.
今天看來這些所謂良知記者,職工.真是帶錯光環.
如果蘋果記者,職工代表某部份港人.
我只說一句: 看不到為何你們配有民主!

佔中時,當警方開第一輪催淚彈.我只見肥佬黎第一個.
可能是知名人士的一個,站在警方旁的石[博]無有退下來.
呢個場面跟另一些佔中名人只說:退啦!返屋企唱歌.
及不知所踪的人,真是差得遠!

希望肥佬遲些賣埋蘋果,到外國安享餘年.
你實在比其他人付出太多了.

**89後我再接觸多些資料,及肥佬黎後來辦報及行事方式錯判形勢. 所以近年也不認同他的理念了.

2017年5月3日星期三

噢!爸爸走了.

2017/5/3

2017年4月6日 09:40

昨晚剛跑完夜馬,

我吃飽早餐,躺臥在梳化玩着手機看星期日排位版.

突然爸爸對我說:剛剛賭完,又刨馬?

我說:對呀!星期六海外賽,星期日沙田.好忙呀!

爸爸:賭咗幾拾年,不厭倦嗎?戒賭啦!

我說:你開什麼玩笑?我十二,三歲賭錢時.你叫我唔好賭丫馬!成日嘈住晒.

過了很久也聽不見爸爸反應,抬頭看看爸爸還在嗎?

噢!爸爸不在了.

2015年10月26日星期一

平有平食.

長洲食海鮮有平有貴,
我當然食平民版啦.
最緊要開心,
伙計,老板當你係客人.
百零蚊你仲想點呢?
送碟菜,送個湯.
不過我記得上次食嗰間,
好似叫兩個餸,送一個餸.
呢次急咗啲!
平日慢船$13,快船$25.8
搭慢船平好多.

2015年10月24日星期六

劏房群旁的綠洲

在網上見某旅行團已成團,
立即到深水埗交錢,報名.
個職員又話未成團,得八個人報名.
要20人才成團.
嘥氣!
仲有成三星期,遲多十日先算.
行入元州街,買了盒模型[機械烏龜].
唔貴$80.
廿年前的[機械老鼠]都咁嘅價錢.
你如果鍾意高達,呢間大把貨.
由幾拾到過千都有.
諗住飲茶.
間酒樓又執咗冚.
望過對面,記得[荷美樓]裡面有嘢食.
行過去.
環境不錯,你坐三,五個鐘.冇人理你.
食物價錢偏貴,深水埗你收我咁嘅錢?
食完仲要自己攞番個盤去[食物盤間].
但都食得開心,
點解?
我食嘢有時唔係睇啲嘢好唔好食,
係邊個同你一齊食.
食飽記得去嘉頓行吓.