日期:2012年11月20日下午16:45
地點:西環中聯辦館內
人物:UTURN
, 彭彭
今日到上環睇海味,環保喎!咪唔買魚翅囉.其實我都唔係好鍾意食.
走到鹹魚成間舖,幾拾年都係咁嘅格.踎響張凳食粥.
uturn:亞成,三點幾先食嘢?
鹹魚成:喂,U記,好耐冇見.嚟買鹹魚呀?
本來都冇諗住買,唉!順吓佢意啦.
uturn:咁整條好嘢嚟嘞.
講完,佢走去後欄,拎咗條鹹魚,立即擺落個膠袋度.
鹹魚成:多謝六舊水.
心諗,唔係好大條喎,乜貴成咁?
不經不覺行到西環.
做乜今日咁靜,冇人抬棺材,又唔見法輪功嘅?
背後突然有人拍拍我.
彭彭:U記入嚟坐吓先啦!
uturn:彭主任,你得閒咩?
彭彭一手捉住我,半拉半拖就入咗去個會客室.
彭彭:冇見咁耐,攪乜呀?
uturn:冇嘢搞,賭馬,返工囉.
彭彭:乜冇買股票咩?
uturn:有,小少玩吓..........
彭彭:呢啲黑色金融唔玩好過玩.
uturn:何解?
彭彭:剛收到風,三點幾尖賠鐘響佢樓吓俾人打到變豬頭.
uturn:喂,而家四點幾,你咁快知?....................
彭彭:聽咗咪算囉,問咁多,冇嘢聽架.
uturn:咁仲有乜料爆,冇我就走啦.
彭彭:講多單講交所俾你聽吓,有冇興趣?
uturn:係咪金魚缸隻38X呀?
彭彭:咪佢囉,你有冇諗過佢點解要收購獅子國的LMX.
uturn:喂!彭主任這裡是資本主義的明珠島呀.買咪買囉.
彭彭:U記,你有所不知.這關符廿多年前的事了.
uturn:吊!越講越遠.使唔使講埋清朝嘅事呀!
彭彭:咁又真係關喎.話說當年帶桌耳夫人為了交還明珠島.要好平同志交出巨額米飯錢.好平同志話俾唔係問題.但係一次過俾咗佢.轉個頭,佢咬我們一啖,咪PK?
uturn:我睇紫陽真人都有份諗喎.
彭彭:挑!紫陽真人正傻仔,好平同志叫佢同獅子國講交還明珠島事項.佢竟然想將獅子國的法治,法制引入中國.佢話中國要法治不要人治. 後來好平同志咪拉佢落台.......中國怎可以沒有人治呢UTURN你說對不對?
uturn:對!對!萬二分同意!
彭彭:最後好平同志決定如果佢地唔搞破壞,就分三次俾.第一次是回歸15年. 第二次是回歸30年,最後一次是回歸50年.真係委仔多計.回歸咁耐獅子國都冇指手劃腳.唔通佢唔要尾數呀?
uturn:明晒,第一次俾錢就係收購LMX.咁咪揾我地股民老襯?
彭彭:放心啦!遲啲38X配股.我們中資投行要晒.一股都唔出街.唔信咪等多幾星期囉.
uturn:我諗諗吓尖賠鐘單嘢唔係咁簡單,佢當日支持糖糖. 尖賠鐘係潮州人.明珠島首富李+X又係潮州人.佢當日又係支持糖糖.咁.會唔會.................................
彭彭:唔好講啦!你老婆等你返屋企食飯啦.
此時電話響起..
彭彭:鷹鷹,冇事,放心做啦.唔會換人.......................
