UP吓你都信,傻嗰個係你.

**源自東方日報**
詹培忠告《蘋果》誹謗索償
聲譽受損 被公眾鄙視
根據詹培忠在入稟狀指，《蘋果日報》於今年七月五日在體育版專欄《和勝和負》刊登了一篇以「亞視都有人講波？」為標題的文章，作者在文中指詹培忠在亞洲電視節目《香江怒看》中「仲要教人點賭（波）至有錢贏」，繼而指「講出嚟大家一定恥笑」。此外，該文也指「而呢條傻佬仲要係詹培忠，你信佢一成都死。……如果照條懵佬咁買，未到16強，已經要懸樑。」

入稟狀指，該篇文章內容失實，並且對詹培忠構成誹謗，令人覺得他是傻佬和懵佬，也令人覺得他在該次電視節目中講賭波的內容一定會被大家恥笑，更令人覺得他為人不可信，信他一成都死。該篇文章令他個人聲譽嚴重受損、令他被公眾鄙視和取笑、令他非常尷尬。

入稟狀又指，該篇文章雖然對詹培忠作出嚴重指控，但被告在刊出該文章前無向他求證或給他發表評論的機會，加上被告是知道有關內容屬失實，原告因此會向被告追討誹謗的賠償和加重性的賠償。三名被告包括蘋果日報有限公司、張劍虹和梁柏堅。

源自 
而呢條儍佬仲要係詹培忠，你信佢一成都死。
和勝和負：亞視都有人講波？
大家見到此文時，希望我估計冇錯：德國頂得住法軍，巴西亦都冇失場，然後下個禮拜可以欣賞巴西大戰德國。但如果係巴西對法國，本人以及一眾球迷係會有陰影，小弟問晒身邊朋友，大家對於1998年法仔大炒巴西奪冠一役，依然懷恨在心（當然仲有懷疑）。
再睇今晚荷蘭豆對哥斯達黎加，捉路一定係入球細再買和，儘管荷蘭燈友唔想見到，但哥斯達黎加真係守得下，而目標好明顯係90分鐘後加時再12碼。
至於阿根廷對比利時，都依然係細手交易，你睇番阿根廷近幾場，都知道唔係好入到波，但又會過到關咁樣。
回顧番世界盃前，有一日出街食飯，餐廳竟然開住亞視，又咁啱詹培忠做咩《香江怒看》嘉賓，仲要教人點賭至有錢贏（喺收視接近0嘅地方講呢啲！）。講出嚟大家一定恥笑：主客和一定場場買和，因為賠3倍上下，如果第一場輸，就1、2、4、8、16咁買落去，直至贏番為止，贏番又由頭買過一注。我當時心諗有發達橋，又點會周街派？而呢條儍佬仲要係詹培忠，你信佢一成都死。到今日大家睇番過去50幾場，如果照條懵佬咁買，未到16強，已經要懸樑。
但話分兩頭，如果你8強至開始買和，甚至上半場和，你應該可以執番多少。近兩屆近決賽尾幾場，都係先顧防守，自己留意下。

文：梁柏堅

咁究竟是否買[和]就可以贏錢丫?

數據唔會呃你.跟據UTURN的26190場賽事,
只有7097埸和.
佔27%.
即馬會平均每場賠率達3.7倍.
你才打成平手.
賭開波的人就知到,根本冇可能.