龍頭鳳尾都要輸

前晚看了一套邵氏殘片，名:城寨出來者
片中關海山演一個城寨內的麻雀館老板。
我年少時亦有城寨內工作一段時間，
又唔多覺有麻雀館存在。
如果有？我的一位工友就不用到新蒲崗的雞記及大財利竹戰啦。
得閒上網找找資料到底有沒有。
賭檔就有番攤，牌九及十三張。
我不喜歡到賭檔玩耍，但有時工友去便陪伴玩玩。
三個人，每人夾幾拾元。
玩十三張，多人賭你便冇牌睇。
但有時幾拾蚊都有牌擺。
五十年前的某日，收咗工，三條友又去賭。
冇乜人賭，我的朋友攞起副牌。
不得了，烟啤頭加隻七。
蛇仔二度，king 夫尾。
條友仔立即問我攞兩蚊，只要不是奇牌及報到，預備抽水啦。
**因牌九及十三張是抽水形式，邊個多錢就邊個做莊，當然你可以唔做，大檔的人是負責派牌和擺牌，你做莊都可以唔睇牌，等閒家擺好晒，然後叫大檔的人擺，佢擺幾個局你揀，衝唔衝頭，縮唔縮？你話事。抽水形式是你每贏十元抽五角。**
當日我哋買咗$40，所以預備二蚊抽水。
點知莊家一開牌是，啤花花。
烟啤頭加隻十，兩條花。
殺我頭同二度。尾當然輸俾我啦，king 夫尾,仲邊有烟夫殺我呀？我都揸咗兩隻烟。
呢鋪冤家牌到現在還記得。
呢鋪牌教識我小注怡情！

今日測試如下，唔好學星期三咁，廿七隻得一隻win。