(男唱) 上次賭跑馬嘵幸贏 運氣衰呢呢趟輸實
月尾支薪我輸晒份糧 番屋企梗有幾吉
泵骨鬆骨梗聽鬧 答低頭由佢處罰
(女唱) 入去公司等攞你份糧 未夠鐘你早已了趷
問個Boy 知你趕入馬場 答低頭知你輸實
爛睹必輸天責罰 當初早知你有今日
(男唱) 未去賭占批我實贏 點知撞正師姑打個特
問過貼士但包我實贏 呢一匹名叫Robert
但話實得必得 得有突 點知跑賴尾一見心實
(女唱) 上次賭個隻名旺財 你話佢Sure Win分五七十
直到終點佢一路帶頭 Winner我估呢趟得實
點知犯規響鐘宣佈罰 Winner取消格請趷
(女白) 馬就點賭得過架 點解我勸極你都唔聽嘅
(男唱) 咁又未必 如果俾我夾中幾口冷門 成間馬會都比我贏埋番黎呀
(女唱) 你開胃哪 如果中得咁易 重有窮人架咩 我問聲你啦 你幾時贏過錢番黎呀
(男唱) 哼 總之有日嬴嘅
(女白) 我唔理咁多 你而家輸晒份糧 呢個月食乜野
(男白) 唉!
(男唱) 為去賭跑馬輸晒份糧 只有任你打等你處罰
(女唱) 罰太多棧更多裂痕 不若早分手好過處罰
(男唱) 面青心驚打個特 好嬌妻我聽你管轄
(女唱) 我勸極你都唔聽 我費事晒氣呀 我實行離開你
(男白) 我呢趟聽咯 你千祈唔好離開我呀 你離開我就無人生樂趣架哪
(女白) 好啦 你想我唔離開你都得 有條件噃 你戒睹啦
(男白) 得
(男唱) 願戒賭不到跑馬場 下決心改過今日
(女唱) 若決心改過都未遲 好夫妻點會衝突
(男女合唱) 大家慳的好過日 好夫妻應要忠實
沒有留言:
發佈留言